31 дек 15:52
Янгиликлар

Волейбол

Волейбол: Ўзбекистон кубогида ғолиб ва совриндорлар маълум + ФОТОГАЛЕРЕЯ

Бухорода 20 ёшгача бўлган ёшлар ўртасида спортнинг волейбол тури бўйича Ўзбекистон кубоги мусобақаси ўтказилди.

Мазкур мусобақада ўғил болалар ўртасидаги баҳсларда 11 та жамоа, қиз болалар ўртасидаги баҳсларда эса 7 та жамоа ўзаро куч синашди.

Мусобақанинг финал баҳслари бўлиб ўтди. Дастлаб қизлар ўртасидаги баҳсда Бухоро ва Наманган вилояти спортчилари ўзаро беллашишди. Якунда наманганлик волейболчиларнинг қўллари баланд келди ва Бухоро жамоаси 2-ўринни, Андижон вилояти жамоаси эса 3-ўринни эгаллади.

Ўғил болалар ўртасидаги финалда Бухоро ва Қорақалпоғистон Республикаси спортчилари ўзаро беллашишди. Якунда Бухоро вилояти волейболчилари ғалаба қозониб мусобақа кубогини қўлга киритишган бўлса, Қорақалпоғистон Республикаси жамоаси 2-ўринни, Сирдарё вилояти жамоаси эса 3-ўринни эгаллади.

Ғолиб ва совриндорлар қимматбаҳо совғалар билан тақдирланди.