Волейбол "саҳнаси"да маҳалла хотин-қизлари + ФОТО

Янгибозор туман прокуратураси, Хоразм вилояти Ёшлар сиёсати ва спорт бош бошқармаси, Ёшлар ишлари агентлиги туман бўлими, туман биринчи ва иккинчи сонли спорт мактбалари ҳамкорлигида ташкил этилган мазкур мусобақада тумандаги 10 та маҳалладан 80 нафардан зиёд хотин-қизлар иштирок этишди. 

Муросасиз ва кўтарингки руҳда ўтган беллашувларда биринчи ўринни "Халқобод" маҳалла фуқаролар йиғини жамоаси қўлга киритди. Иккинчи ўринни "Қоратепа" МФЙ жамоаси эгаллаган бўлса, учинчи ўрин "Янгиобод" МФЙ жамоасига насиб этди. 

Мусобақа якунида кучли учликдан жой олган жамоалар ташкилотчилар томонидан муносиб тақдирланишди.

- Вилоят Ёшлар сиёсати ва спорт бош бошқармаси, Янгибозор туман прокуратураси, тумандаги спорт мактаблари ва бошқа масъул ташкилотлар ҳамкорлигидаги мазкур мусобақа маҳаллаларда истиқомат қилаётган хотин-қизлар ўртасида жисмоний тарбия ва спортни кенг оммалашишига хизмат қилади, - дейди белбоғли кураш бўйича халқаро тоифадаги ҳакам, Янгибозор туман 2-сонли спорт мактабининг оммавий спортни ривожлантириш ва селекция ишлари бўйича директор ўринбосари Бекберган Балтаев. - Бу каби оммавий спорт беллашувлари нафақат соғлом турмуш тарзини тарғиб қилади балки спортда иқтидори юқори ёшларни саралашга ҳам хизмат қилади.

Илҳом РАҲМОНОВ тайёрлади