Волейбол. Ёшлар ўртасидаги Марказий Осиё чемпионати мутасаддилар нигоҳида

Мусобақани томоша қилиш учун келган минтақамиз конфедерацияси президенти Муҳаммад Латиф бошчилигидаги мутасаддилар юртимизда меҳмон бўлиб туришибди.

Наманганда хизмат сафарида бўлиб турган МОҚ раиси ўринбосари Шерзод Ташматов бугун мусобақа меҳмонлари билан учрашиб, мамлакатимизда волейболни янада ривожлантириш борасида суҳбат уюштиришди. 

Ўз навбатида, Муҳаммад Латиф мамлакатимиз волейболи сўнгги йилларда ривожланишнинг янги босқичини ўтказаётгани, турли ёш тоифаларидаги жамоаларимизнинг ўсганини алоҳида таъкидлаб, бу борада қилинаётган ишларга ижобий баҳо берди. 

Шунингдек, меҳмон юртимизда волейболни ривожлантириш йўлида халқаро мутахассисларни жалб қилиш ва федерациямизнинг режаларини ҳамкорликда муҳокама қилиб, унга керакли тавсияларни беришини айтиб ўтди.

Қайд этиш жоиз, Тошкентда келаси йилнинг июнь ойида 17 ёшгача бўлган қизлар ўртасида Осиё чемпионати бўлиб ўтади. Мутасаддилар суҳбат давомида ушбу турнирни ҳам юқори савияда ўтказиш масалалари бўйича фикр алмашишди.