14 окт 17:48
Янгиликлар

Волейбол

Волейболчиларимиз CAVA U20 Volleyball Championship турнирида ғолибликни қўлга киритди

Шу йилнинг 6-12 октябрь кунлари Шри-Ланканинг Коломбо шаҳрида волейбол бўйича CAVA U20 Men's Volleyball Championship-2024 мусобақаси бўлиб ўтди.

Хабар берганимиздек, 20 ёшлилар ўртасидаги Марказий Осиё чемпионатида Ўзбекистон терма жамоаси ҳам иштирок этди.

Турнирда волейболчиларимиз Қирғизистон, Непал, Туркманистон, Мальдив ороллари ва Шри-Ланка терма жамоалари устидан ғалаба қозониб, финал босқичига йўл олди. Финал учрашувида эса Непал 3:1 хисобида мағлуб этилди.

Шу тариқа, волейбол бўйича U-20 Ўзбекистон терма жамоаси Марказий Осиё чемпионати ғолибига айланди.

Шунингдек, бир қанча волейболчиларимиз мусобақанинг турли номинацияларида совриндор бўлди:

• Оғабек Хайдаров - "Энг яхши ўйинчи"

• Мирзиёд Муродов - "Энг яхши тўп кўтарувчи"

• Саиджамол Миробидинов - "Энг яхши ҳужумчи".