Волков Павловичнинг туртиб юборганига муносабатини билдирди

Оқшомнинг co-main event жанги оғир вазн тоифасида ўтказилиб, унда россиялик икки аралаш яккакураш устаси Александр Волков ва Сергей Павлович ўзаро октагонда тўқнаш келди. Тўлиқ уч раунд давом этган рус дербисида "Драго" Волков ҳакамларнинг якдил қарори билан 29-28, 30-27, 30-27 ҳисобларида ғалаба қозонди. 

Жанг якунланганидан кейин Александр Волков ҳамюртига далда бўлиш, жанг учун раҳмат айтишга борганида, Павлович уни кутилмаганда итариб юборди. Сергейнинг қўлини сиқиб қўйишни мақсад қилган Волков кутилмаган жавобга муносабатини билдирди. 

"У нима учун жангдан кейин мени туртиб юборганини билмадим. Мен яхши жанг учун унга миннатдорлик билдириш учун борган эдим. Лекин у ўша пайтда жаҳл отига минган эди. Биз илгари у билан бирга спарринглар ўтказгандик. Унинг характерини билардим. Бу жангга алоҳида тайёргарлик кўргандим. Сергей чап қўл зарбаларимга тайёр эмасди", — деди Волков.