Волонтёрлар, яъни кўнгилли ёрдамчилар билан учрашув ўтказилди + ФОТО

Ҳар қандай нуфузли мусобақа, айниқса Олимпия ўйинлари ва жаҳон чемпионатларининг ўтказилишида мезбон давлат волонтёрлар хизматига эхтиёз сезади. Яъни, спортдан бироз бўлса-да хабари бор, инглиз ва бошқа хориж тилларини биладиган асосан талаба ёшлар мусобақа ташкилотчилари учун ёрдамга келадилар. Табиийки, бу ўзлари учун ҳам катта тажриба мактаби вазифасини ўтаб беради. Бошқача айтганда, амалиёт учун тайёр майдон. 

Кеча Ўзбекистон дзюдо федерациясида 6-13 октябрь кунлари ўтказиладиган жаҳон чемпионатида волонтёр сифатида ишлаш истагини билдирган кўнгиллилар билан учрашуви ташкил этилди. Унда Тошкент давлат шарқшунослик, Иқтисодиёт, Жаҳон тиллари, Вестминстер, Ахборот технологиялари ҳамда AKFA университетлари талабалари билан давра суҳбати ўтказилди.