«vRINGe» нигоҳида Мелиқўзиев ва Дўсматов

Жаҳон профессионал бокс оламида энг “гигант” интернет тармоқларидан бири ҳисобланадиган «vRINGe» сайти 22 июнь кунги саҳифасида дунё проф бокс оламида юз бераётган воқеликлар хусусида бир қатор мутахассис, промуотер ва блоггерларнинг қизиқарли фикрлари жамланган “Келажакнинг енгилмаслари, эртанги жаҳон чемпионлари бўлади”, дея номланган мақолани эълон қилди. 

Сайт мутахассислари “жаҳон боксининг ёрқин юлдузларидан бири - икки карра Осиё чемпиони, жаҳон чемпионати совриндори, Олимпия ўйинларининг кумуш медаль соҳиби Бектемир Мелиқўзиевнинг яқин келажакда профбокс оламида ажойиб техникаси, мушт зарби ва шиддатга эга бўла туриб, кутилмаганда мағлубиятга учраши 2021 йилнинг “апсет” жанги бўлди”, дея эътироф этишди.

«vRINGe» сайтида берилган ушбу мақолада эътиборга молик жиҳатдан яна бири, сайт муҳаррири Святослав Осипов профессионал бокс оламида Мелиқўзиевнинг вазиятига тушиб қолиш ҳолатлари олдин ҳам ва бундан кейин ҳам давом этиши табиийлигини таъкидлаган.  Шунингдек, у яқин келажакда чемпионлик мақомига эга бўлиши мумкин бўлган боксчиларни тўртта гуруҳга ажратган холда биринчи гуруҳ – чемпионлик камарига бирон бир жангда мағлуб бўлмасдан, яъни “енгилмаслар” қаторида Эрик Роса, Жесси Родригес, Ҳасанбой Дусматов, Жошуа Буатси ва Феликс Кэшни айтиб ўтган.

- Чемпионлик спортчи ва тренернинг натижаси эмас, бу кучли ва иродали, матонатли жамоанинг бирдамликдаги меҳнати,- дейди Ўзбекистон профессионал бокс федерацияси бош котиби Бекзод Солиев.- Жаҳон бокс оламидаги ҳеч бир натижа ўз-ўзидан қўлга киритилмайди. Майк Тайсонни оласизми, Кличколарми ёки ўзимизнинг Ахмадалиев ғалабари спортчи-тренернигина ютуғи эмас, бу катта бир жамоанинг-спортчи, тренер, менеджер, диетолог, шифокор, секундант, ташвиқотчи, промуотер... тинимсиз меҳнати маҳсулидир. Шу маънода, улкан ғалабалар осонлик билан қўлга киритилмайди. Оддий мағлубиятлардан фожеа ясамаслик керак. Ғолиблик йўли аслида ўша «vRINGe» сайти айтиб ўтганидек, “апсет”лардан яъни кутилмаган натижалардан бошланади. 

Тўлқин РЎЗИЕВ