WBA чемпион Эймантас Станионис ва Шаҳрам Ғиёсов жангига промоутерлик савдосини эълон қилди

Сентябрь ойида WBA ярим ўрта вазн тоифасидаги чемпион, литвалик Эймантас Станионис ҳамда ўзбекистонлик мажбурий даъвогар Шаҳрам Ғиёсов жангига буйруқ берган эди.

Аммо боксчиларнинг жамоалари бир ой ичида жанг санаси, манзили ва шартлари бўйича келиша олмади. Эндиликда промоутерлар ўртасида кимошди савдоси ташкил этилади.

Очиқ савдо 8 ноябрь кунига белгиланди.

Ғиёсов сўнгги жангида мексикалик Мигель Парра (22-4-1)ни мағлубиятга учратган эди. Тўлиқ 10 раунд давом этган жангда ҳакамларнинг икки нафари Шаҳрам, яна бири Парранинг ғалаба қозонганини қайд этганди. Бу билан проф боксчимиз 16-жангида ҳам ғалаба қозонганди.

30 ёшли Станионис эса проф боксда 15 та жанг ўтказиб, барчасида ғалаба қозонган. Жангларининг 9 тасини муддатидан аввал якунлаган. Станионис шу йилнинг май ойида икки йиллик танаффусдан сўнг рингга қайтиб, рейтингнинг тўртинчи поғонасида бораётган венесуэлалик 37 ёшли Габриэль Маэстрени очколар (117-111, 118-110, 119-109) ҳисобида таслим этган эди. Бу Габриэль учун фаолиятидаги илк мағлубият бўлганди.