WBA рейтинги. Мадримов ғалабадан сўнг юқорилади, Тўлаганов ҳам кучлилар қаторига қўшилди

Унга кўра, рейтингдан олти нафар ўзбекистонлик боксчи ўрин олган.

Эълон қилинган рейтингда Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек IBF йўналиши чемпиони ҳам ҳисобланади. 

Биринчи ярим ўрта вазн тоифасида (-63,5 кг) Шоҳжаҳон Эргашев аввалги ойдаги каби олтинчи, Шаҳрам Ғиёсов эса еттинчи ўринга жойлашган. 

Биринчи ўрта вазн (69,85 кг) тоифасида бугун Наваррони нокаут эвазига мағлуб этган Исроил Мадримов аввалги ойдан бир поғона юқорилаган ва иккинчи ўринга кўтарилиб олди. У бугунги ғалабадан сўнг WBA Regular камари учун биринчи рақамли даъвогарга айланди.

Иккинчи ўрта вазн тоифасидаги боксчимиз Бектемир Мелиқўзиев (-76,2 кг) эса рейтингида аввалги ойдаги каби 15-ўринда қолган. 

Яримоғир вазн тоифасида (-79,3 кг) Рустам Тўлаганов ҳам юқорилади ва 15-ўриндан жой олди.