WBA рейтинги. Ўзбек боксчиларининг рейтинги ўзгармай қолди

Унга кўра, рейтингдан олти нафар ўзбекистонлик боксчи ўрин олган. Бу ой боксчиларимизнинг рейтингдаги ўрни ўзгармаган.

Эълон қилинган рейтингда Муроджон Аҳмадалиев иккинчи енгил вазн тоифасида (-55,3 кг) чемпион сифатида қайд этилган. Аҳмадалиев шунингдек IBF йўналиши чемпиони ҳам ҳисобланади. 

Биринчи ярим ўрта вазн тоифасида (-63,5 кг) жангларини олиб бораётган икки боксчимиз аввалги ойдаги каби ўз ўринларида қолишган. Шаҳрам Ғиёсов олти, Шоҳжаҳон Эргашев эса еттинчи поғонани эгаллаб турибди. 

Биринчи ўрта вазн (-69,85 кг) тоифасида Исроил Мадримов эса биринчи ўринда қайд этилган.

Иккинчи ўрта вазн тоифасидаги боксчимиз Бектемир Мелиқўзиев (-76,2 кг) эса 14-ўринда қолган. У айни пайтда WBA Continental Americas камари соҳиби бўлиб турибди.  

Яримоғир вазн тоифасида (-79,3 кг) Рустам Тўлаганов ҳам аввалги ойдаги каби 14-ўринда қайд этилган.