WBA'нинг янгиланган рейтингида 3 нафар боксчимиз пешқадам, яна бири чемпион!

Ушбу рейтингдан 8 боксчимиз ўрин олган бўлиб, уларнинг 3 нафари ўз вазн тоифаларида 1-ўринни эгаллаб туришибди. Исроил Мадримов эса супер ярим ўрта вазн чемпиони ҳисобланади. 

Эътиборга молик бир жиҳат борки, Ботир Аҳмедовнинг фуқаролиги WBA ташкилоти расмий сайтида Украина деб кўрсатилган. У Ўзбекистон номидан жангларда иштирок этишдан олдин Туркия байроғи остида ҳам рингга кўтарилган эди.  

Рейтингдаги боксчиларимиз:  

Ҳасанбой Дўсматов - (минимал вазн) 1-ўрин (ўтган ойда 1-ўрин;)

Муроджон Аҳмадалиев (биринчи ярим енгил вазн) - ўтган ойдаги сингари 1-ўрин;

Муҳаммад Шехов (биринчи ярим енгил вазн) - 10-ўрин (ўтган ойда 9-ўрин);

Отабек Холматов (ярим енгил вазн) - 4-ўрин (ўтган ойда ҳам 4-ўрин эди;)

Ботир Аҳмедов (супер енгил вазн) - 10-ўрин (ўтган ой 9-ўринда эди);

Шаҳрам Ғиёсов (яримўрта вазн) - ўтган ойдаги сингари 1-ўрин;

Исроил Мадримов (супер ярим ўрта вазн) - вазн чемпиони;

Бектемир Мелиқўзиев (супер ўрта вазн) - 4-ўрин (ўтган ой ҳам 4-ўринда эди).