WBC Гран-приси. Бугун Лазизбек Мулложоновга мухлислик қиламиз

Бугун мусобақа доирасида оғир вазн тоифасидаги беллашувлар ташкил этилади. Унда ўзбекистонлик чарм-қўлқоп устаси Лазизбек Мулложонов рингга кўтарилади.

Дастлабки босқич доирасида ҳамюртимизга Панама вакили Марвин Мендоса рақиблик қилади.

Маълумот учун, ҳаваскорлар ўртасида Париж-2024 Олимпиадаси ғолиби бўлмиш Мулложонов проф фаолияти давомида ҳозирга қадар бешта жанг ўтказиб, уларнинг барчасида ғолиб бўлган. Мендоса ҳисобида эса 3 та ғалаба, 1 та мағлубият ва яна 1 та дуранг мавжуд.

Бокс оқшоми Тошкент вақти билан 17:00 дан кейин старт олиши белгиланган.

Илгарироқ, мазкур турнир доирасида ҳамюртларимиздан Аюбхон Бахтиёров ва Мужибилло Турсунов ўз жангларида ғалаба қозонишган бўлса, Камронбек Эшматов ҳамда Сухроб Қаюмов имкониятни бой беришган эди.