12 июн 11:02
Янгиликлар

Бокс/ММА

WBC Олимпиада совриндори ҳамда жаҳон чемпионини рейтингдан чиқарди

Бутунжаҳон бокс уюшмаси (WBC) тўрт нафар боксчини ташкилот рейтингидан чиқариб ташлади.

Қора рўйхатга тушганлар орасида икки вазн тоифасида собиқ жаҳон чемпиони Хосе Педраса ҳамда Рио Олимпиадасининг кумуш медали совриндори Шакур Стивенсон ҳам бор.

Бу боксчилар WBC томонидан белгиланган 90 кун муддат ичида “Тоза бокс” (Clean Boxing Program) допинг-назорат дастури бўйича рўйхатдан ўтишмаган. Педраса ҳамда Стивенсондан ташқари филиппинлик Жоберт Альварес ва япониялик Норихито Танака ҳам WBC рейтингидан олиб ташланди.