WBC президенти Теренс Кроуфорддан камар олиб қўйилганига изоҳ берди

"У қоидаларга риоя қилмади, кейин супер ўрта вазнга кўтарилди ва “аср жанги”ни уюштирди. Теренс Канелони мағлуб этди ва тахминан 50 миллион доллар атрофида пул ишлади. WBC бундай суммадан 3 фоиз олишни мақсад қилмаган. Биз аниқ белгиладик: Теренс ўз гонорарининг 0,6%ни тўлаши керак эди. Унинг 225 минг доллари Хосе Сулейман жамғармасига кетарди — бу ёрдамга муҳтож собиқ боксчилар учун ажратилган маблағ.

Бу, оддий қилиб айтганда, афсусланарли ҳолат. У ҳатто “рахмат” ёки “кечиринг” ҳам демади, бошқа йўлдан борди. Ҳеч қандай жавоб йўқ. Унга омад тилайман", — деди Сулейман BoxingScene нашрига берган интервьюсида.