04 июн 14:36
Янгиликлар

Бокс/ММА

WBO камари учун тўрт даъвогар рингга кўтарилади

Ярим оғир вазнда собиқ жаҳон чемпиони Элейдер Альварес (25-1, 13 КО) ҳамда чемпионликка собиқ даъвогар Жо Смит (25-3, 20 КО) ўзаро саралаш жангида тўқнаш келишади.

Жаҳон чемпионлик камари учун расмий даъвогар номини аниқлаб берувчи ушбу жанг 16 июль куни АҚШнинг Невада штати Лас-Вегас шаҳрида бўлиб ўтади. Ҳозирда ярим оғир вазн тоифасидаги WBO чемпионлик камари вакант бўлиб турибди.

Тop Rank промоутерлик компанияси вице-президенти Карл Мореттининг айтишича, Альварес - Смит жанги ғолиби россиялик боксчилар Умар Саламов ва Максим Власов тўқнашуви ғолибига қарши WBO камари учун рингга кўтарилади.