29 авг 10:15
Янгиликлар

Бокс/ММА

WBО ва WBC камари учун жанг қиладиган боксчилар тарозига чиқишди + ФОТО

Бизнинг вақт билан эртага тонгда АҚШнинг Лас-Вегас шаҳрида профессионал бокс кечаси бўлиб ўтади.

Оқшомнинг марказий жанги америкалик Хосе Рамирес (25–0, 17 KO) ҳамда украиналик Виктор Постол (31–2, 12 KO) ўртасида ўтказилади. Ўн икки раундга мўлжалланган жанг ғолиби WBC ва WBO камарларини қўлга киритади. Ҳозирда бу икки камар Рамиресга тегишли бўлиб турибди.

Бугун эса боксчилар анъанага кўра тарозидан ўтиш ҳамда кўз уриштириш маросимларида иштирок этишди. Рамирес 63,41 кг, Постол эса 63,36 кг тош босди. Биринчи ярим ўрта вазндаги максимал оғирлик 63,5 кг қилиб белгиланган.

Маълумот учун, ушбу шоу Боб Арумга тегишли Top Rank промоутерлик компанияси томонидан ташкил этилмоқда. Боксчилар ўртасидаги жанг коронавирус пандемияси сабаб икки бор кўчирилганди.