23 сен 08:26
Янгиликлар

WOMAO фестивали мезбонлиги Самарқандга топширилди

Хабар берганимиздек, шу кунларда Жанубий Кореянинг Чунгжу шаҳрида WOMAO, яъни Бутунжаҳон жанг санъатлари фестивали бўлиб ўтмоқда.

Фестивалда ташкилотга аъзо мамлакатлар ўзларининг миллий спорт турлари билан иштирок этишяпти. Кеча фестивалнинг тантанали очилиш маросими ўтказилди.

Шунингдек, кеча ушбу уюшманинг 16-Бош Ассамблеяси ҳам ўз ишини якунлади. Тадбир якунида келаси йилиги барча мусобакалар, халкаро турнирларнинг ўтказилиш санаси ва манзилига ойдинлик киритилди.

Эътиборга молик жиҳати шундаки, 2018 йили юртимизда жанг санъатлари бўйича Халқаро фестивал бўлиб ўтади. Мазкур фестивал мезбонлиги қўҳна ва ҳамиша навқирон Самарқанд шаҳрига ишониб топширилди.