“World Ability Sport-2024”да матонатли спортчиларимиз 72 та медалли бўлди

“World Ability Sport-2024” ёшлар ўйинларида муваффақиятли иштирок этиб, 72 та медаль қўлга киритган ҳолда, 18 та мамлакат орасида умумжамоа ҳисобида 1-ўринни эгаллаган ёш паралимпиячиларимиз юртимизга қайтиб келди.

Ислом Каримов номидаги Тошкент халқаро аэропортида ўтказилган тантанали кутиб олиш тадбирида иштирок этганлар пара спортчиларимизни нуфузли мусобақадаги муваффақиятлари билан табриклаб, келгуси фаолиятларига омад тилади.