World Aquatics Ижроия бюроси йиғилишига тайёргарлик масалалари муҳокама қилинди

Ўзбекистон касаба уюшмалари федерацияси биносида ташкил этилган тадбирда Спорт вазирлиги, Миллий Олимпия қўмитаси ҳамда федерация раҳбарияти, шунингдек, терма жамоа аъзолари иштирок этди.

Йиғилишда 2025 йилда сув спорти турлари бўйича эришилган натижалар таҳлил қилиниб, жорий йил учун режалар батафсил кўриб чиқилди. Конференция давомида Шунингдек, онлайн форматда иштирок этган ҳудудий вакиллар ўз минтақаларидаги ҳолат, мавжуд инфратузилма, спортчи ва мураббийлар таркиби юзасидан атрофлича ахборот тақдим этдилар.

Шунингдек, кун тартибидаги асосий масала 24 январь куни ўтказиладиган Бутунжаҳон сузиш федерацияси (World Aquatics) Ижроия бюроси йиғилишини юқори даражада ўтказишга пухта тайёргарлик кўриш бўлди. Ушбу йўналишда барча ташкилий ва техник масалалар атрофлича муҳокама қилиниб, масъул шахсларга тегишли топшириқ ва кўрсатмалар берилди.