World Boxing қошида Осиё бокси учун янги ташкилот жорий этилди, унинг тузилмасидан икки ўзбекистонлик функционер ўрин олди

Унда Осиёнинг 21 та миллий федерацияси бир овоздан Лос-Анджелес-2028 ёзги Олимпия ўйинларида бокс спорт турини сақлаб қолиш йўлида World Boxing ташкилотининг конфедерацияси тузилишини маъқуллашганди. 

Ўзбекистон бокс федерацияси хабарига кўра, 29 декабрь куни миллий федерациялар иштирокида навбатдаги йиғилиш ўтказилган. Унда янги тузилган Asian Boxing ташкилотига ASBC собиқ президенти, таиландлик Пичай Чунхаважира вақтинчалик президент этиб сайланди. Шу билан бирга, ташкилотнинг низомини ва норматив ҳужжатларини ишлаб чиқиш учун вақтинчалик ижроия қўмитаси аъзолари ҳам сайлаб олинди.

Ушбу рўйхат таркибига Ўзбекистон бокс федерацияси Бош котиби Шоҳид Тиллабоев ҳам киритилди.

Ўзбекистон бокс федерацияси раиси маслаҳатчиси Малик Бабаев эса эндиликда Asian Boxing ташкилотининг Олимпия комиссиясида фаолиятини давом эттиради.