World Boxing ёки IBA? Ўзбекистоннинг позицияси қандай?

Халқаро Олимпия қўмитаси Халқаро бокс ассоциацияси (IBA) ни тан олмай келмоқда. Улар катта эҳтимол билан янги тузилган World Boxing ташкилоти билан ҳамкорлик қилади. 

Бугун Тошкентда Париж Олимпиадасига бағишлаб ташкил этилган матбуот анжуманида бу масаладаги саволга жавоб қайтарилди. 

Вазир Адҳам Икрамов бу масала бўйича шундай муносабат билдирди: "Биз Ўзбекистон манфаатлари тарафдоримиз. Чунки IBA билан ҳамкорликда яхши мусобақалар ўтказдик. World Boxing билан ҳам муносабатлар бор".

Ўзбекистон бокс федерацияси раисининг биринчи ўринбосари Сакен Полатов эса қуйидагича жавоб қайтарди: "Бу борадаги масалага Олимпиададан кейин аниқлик киритилади".