03 июл 10:46
Янгиликлар

Бокс/ММА

World MMA Awards. Йилнинг "Энг яхши эркак жангчиси" номинациясига даъвогарлар маълум

Хабар берганимиздек, йиллик халқаро World MMA Awards премияси учун бир нечта номинацияларда даъвогарлар рўйхати маълум қилинди.

Жумладан, "Энг яхши эркак жангчи" номинациясида икки вазнда собиқ UFC чемпиони Генри Сехудо, шунингдек, Исраэль Адесанья, Жастин Гэтжи, Хорхе Масвидал ва Дуглас Лима даъвогарлар сифатида эътироф этилди.

Сехудо фаолиятини якунлаганини, Масвидаль эса ташкилотдан кетмоқчи эканлигини эълон қилганди. Гэтжи даъвогарлар жангида Тони Фергюсонни чиройли тарзда муддатидан аввал мағлуб этиб, яхшигина шов-шув кўтарганди.

Номлари тилга олинган жангчилардан бири World MMA Awards талқинига кўра "Йилнинг энг яхши эркак жангчиси" деб топилади. Ғолиблар жами 22 та номинация бўйича аниқланади. Тақдирлаш маросимининг расман қачон ва қаерда ўтказилиши кейинроқ эълон қилинади.