20 окт 09:00
Янгиликлар

Теннис

WTA Ningbo Open. Раҳимова дунёнинг 26-ракеткасига қарши муносиб қаршилик кўрсатди

Теглар : Камилла Раҳимова WTA Ningbo Open

Хитойнинг Нинбо шаҳри мезбонлик қилаётган WTA 500 тоифасига кирувчи турнирднинг асосий тўр баҳслари бошланди.

Ўзбекистоннинг биринчи ракеткаси Камилла Раҳимова саралашдаги икки ғалабаси эвазига асосий тўр йўлланмасини қўлга киритган эди. Вакиламиз 1/16 финалда дунёнинг 26-ракеткаси чехиялик Мария Боузковага қарши кортга чиқди.

Афсуски, 2 соату 5 дақиқа давом этган баҳсда тажриба ўз сўзини айтди - Боузкова 6/4, 6/4 ҳисобларида ғалаба қозониб, нимчорак финалга йўл олди. Иккала теннисчи ҳам 3 тадан қўшхатога йўл қўйди. Эйслар бўйича Мария мутлақ устунликка эга бўлди 3 га 0. Бу теннисчиларнинг ўзаро ўтказган учинчи учрашуви бўлди - 3:0.

Таққослаш учун, Камилла Раҳимова айни пайтда WTA рейтингида 69, Мария Бозукова эса 26-ўринни эгаллаб турибди.