WTA рейтинги. Кеча Францияда чемпион бўлган Камилла Раҳимова Топ-100`га кирди, аммо...

Янгиланган рейтингдаги теннис маликаларимиз сони 7 нафарни ташкил этмоқда. Аслида 8 нафар бўлиши керак эди. Аммо негадир Россиядан маҳаллийлаштирилган Камилла Раҳимова ҳамон ўзбекистонлик теннисчи сифатида кўрсатилмаган. У ҳалиям нейтрал теннисчи мақомида турибди. Раҳимова кеча Франциядаги WTA 125 тоифасига кирувчи турнирда чемпион бўлгани ҳисобига 15 поғонага юқорилаб, Топ-100`га кириб олди. У янгиланган рейтингда 97-ўринда қайд этилди. 

Бугун эълон қилинган WTA рейтингида яна бир маҳаллийлаштирилган рус теннисчиси Мария Тимофеева Ўзбекистоннинг биринчи ракеткаси сифатида қайд этилган. У тўрт поғонага юқорилаб, 142-ўринни банд этган. Литвадан маҳаллийлаштирилган 18 ёшли Лайма Владсон Ўзбекистоннинг иккинчи ракеткаси ва у айни пайтда рейтингнинг 879-поғонасидан жой олган. Владсон ўтган ҳафта билан таққослаганда 5 поғонага пастлаган. 

Қолган теннисчиларимизга тўхталадиган бўлсак, Влада Якшибарова 4, Милана Масленкова ва Диана Яковлева 3 поғонага пастлаган. Севиль Юлдашева 2, Нигина Абдураимова эса 1 поғонага кўтарилган. 

Дунё теннисчиларининг Топ-10`талигида ҳам бу ҳафта ҳеч қандай ўзгариш кузатилмади. Рейтингда ҳамон беларуслик Арина Соболенко катта фарқ билан пешқадамлик қилмоқда. Иккинчи ўриндан польшалик Ига Свёнтек жой олган. Кучли учликка америкалик Коко Гофф якун ясаган. WTA Finals чемпиони қозоғистонлик Елена Рибакина ҳамон 5-ўринда бормоқда. 

WTA рейтинги. 8 декабрь кунги ҳолат:

1. (1) Арина Соболенко (Беларусь) - 10870 очко

2. (2) Ига Свёнтек (Польша) - 8395

3. (3) Коко Гофф (АҚШ) - 6763

4. (4) Аманда Анисимова (АҚШ) - 6287

5. (5) Елена Рибакина (Қозоғистон) - 5850

6. (6) Жессика Пегула (АҚШ) - 5583

7. (7) Мэдисон Киз (АҚШ) - 4335

8. (8) Жасмин Паолини (Италия) - 4325

9. (9) Мирра Андреева (Россия) - 4319

10. (10) Екатерина Александрова (Россия) - 3375...

Ўзбекистонлик теннисчиларнинг WTA рейтингидаги ўрни:

142 (146). Мария Тимофеева – 513

879 (874). Лайма Владсон – 30

1073 (1069). Влада Якшибарова – 16  

1197 (1194). Милана Масленкова – 11 

1276 (1278). Севиль Юлдашева – 8

1322 (1323). Нигина Абдураимова – 7  

1473 (1470). Диана Яковлева – 3