14 май 03:52
Янгиликлар

Бокс/ММА

Хабаровскдаги мусобақада муваффақиятли қатнашган боксчиларимиз Тошкентда тантанали кутиб олинди

Теглар : Бокс

Хабарингиз бор, 8-12 май кунлари Россия Федерациясининг Хабаровск шаҳрида бокс бўйича Совет Иттифоқи қаҳрамони Константин Коротков хотирасига бағишланган халқаро турнир бўлиб ўтди.

Мусобақада жаҳоннинг 20 дан ортиқ мамлакатидан ташриф буюрган 150 нафарга яқин боксчи ғолиблик учун беллашди. Баҳсларда ўзбекистонлик боксчилар ҳам иштирок этишди ва юртимизга 4 та медаль билан қайтиб келишди.

Бироз аввал, 14 май соат 02:30 да ана шу турнирда иштирок этган боксчиларимиз юртимизга қайтиб келишди. Улар Ислом Каримов номидаги Тошкент халқаро аэропортида тантанали равишда кутиб олинди. Кутиб олиш маросимида Ўзбекистон бокс федерацияси мутасаддилари, спортчиларнинг яқинлари ва оммавий ахборот воситалари ходимлари иштирок этишди.

Эслатиб ўтамиз, мусобақада Ўзбекистон терма жамоаси сафида Аброржон Қодиров (-52 кг), Билолбек Мирзараҳимов (-69 кг) олтин медалга эга чиққан бўлса, ёш Лазизбек Муллажонов (+91 кг) кумушга сазовор бўлди. Оғир вазнли бошқа бир боксчимиз Улуғбек Мубинов (+91 кг) бронза медалини қўлга киритди.

Ўзбекистон бокс федерацияси матбуот хизмати

Ҳавола :

Манба : olamsport.com

Рейтинг:

17:45

WBO рейтинги янгиланди: 5 нафар боксчимиз ТОП-15'да қайд этилди, энг яхши ўрин Исроил Мадримовда 0

08:56

Боксчиларимиз Осиё чемпионатининг барча ёш тоифаларида биринчи бўлишди 0

08:27

Бокс: U23 ёш тоифасидаги қизларимиз ҳам Осиёда тенгсиз! 0

Фикрлар

Энг яхшилар Охирги Биринчи

14 май 08:13:36

Bek

Мусобақа якуни бўйича айтиш мумкинки, Аброржон Қодировни бугунги кундаги имконияти ва мусобақа нуфузидан келиб чиқиб ундан олтиндан бошқа меделни кутиш мантиқсизлик эди. Аброржон мусобақа давомида бошқа иштирокчилардан бир бош устун эканлиги яққол кўриниб турган эди. Шунингдек, катталар таркибига ўтиб қайсидир маънода йўқолиб қолган Билолбек Мирзарахимовдан анчадан бери кутилган натижани чиройли тарзда қўлга кирита олди. Суппер оғир вазнли боксчиларимиздан Улуғбек Мубиновда масофани хис қила олиш ва тезлик борасидаги муаммолар кўзга кўриниб қолди. Бундан ташқари 20 ёшли Лазизбек Муллажонов учун бундай вазнда яхши натижани қўлга киритганлиги билан бирга, ўзининг ажойиб техникаси билан рус мутахассисларини мехрини қозона олди ва унга финалда бир оз тажриба етишмади холос. Худайназар Файзовда янги вазнга хали мослаша олмаганлиги ҳолати кузатилган бўлса, қолган боксчиларимизга бу мусобақа тажриба мактабини ўтаб берди. Нима бўлганда хам боксчиларимиз томонидан ажойиб иштирок кузатилди.

фикрга жавоб бериш

< сўнгги янгиликларни кўриш

14 май 03:52 Янгиликлар

Хабаровскдаги мусобақада муваффақиятли қатнашган боксчиларимиз Тошкентда тантанали кутиб олинди

Ўхшаш янгиликлар

14 май 03:52
Янгиликлар