Хабиб Евро-2020 финали фаворити ҳамда кимга мухлислик қилишини айтди

Лондондаги "Уэмбли" стадионида кечадиган финал учрашувида Италия ва Англия терма жамоалари майдонда саф тортишади. Енгил вазнда собиқ UFC чемпиони Хабиб Нурмагомедов финал ҳақида фикр билдирди ва ўз тахминларини айтди. 

"Англия сўнгги бор 1966 йилда соврин ютган. Ўшанда инглизлар жаҳон чемпиони бўлишган эди. Ўшандан бери улар ҳеч нарса ютишмади. Бугунга келиб шаклланган ёш жамоанинг потенциали юқори. Стерлинг, Кейн, Маунт, Филлипс, Уокер, Пикфорд Англиянинг асосий кучи. Боз устига инглизлар ўз майдонида ўйнайди. 

Италия терма жамоаси ҳақида ҳам илиқ фикр билдира оламан. Уларда ғалаба учун имконият юқорироқдек кўринмоқда. Тажрибали футболчилар жам бўлган: Бонуччи, Кьеллини, Иммобиле. Лекин Англия тезлик ҳисобига ғалаба қозонса керак деб ўйлайман. Ўйлашимча, финалда мезбонлар зафар қучишади. Уларга бунга муносиб", — деди Нурмагомедов.