Хабиб футбол бўйича 1998 ва 2006 йилги Жаҳон чемпионатларининг энг яхши футболчисини айтди

Енгил вазнда UFC'нинг собиқ чемпиони, россиялик Хабиб Нурмагомедов ижтимоий тармоқлардаги саҳифаси орқали афсонавий француз футболчиси Зинедин Зидан иштирокидаги видео билан ўртоқлашди.

Нурмагомедов Зиданни гарчи бир маротаба, 2006 йилда Германиядаги ЖЧнинг энг яхши футболчиси мақомига эришган бўлишига қарамасдан, 1998 ва 2006 йилги ЖЧларнинг энг яхши футболчиси деб атаган. 1998 йил Францияда бўлган Жаҳон биринчилигининг энг яхши футболчиси дея бразилиялик Роналдо топилган.

"Иккита Жаҳон чемпионатининг энг яхши футболчиси Зидан", - дея ёзиб қолдирган Хабиб.