"Хабиб Гэтжини мағлуб этса, вазнини ўзгартиради"

Бу ҳақида унинг менежери Али Абдел-Азиз хабар берди. Унинг сўзларига кўра, Хабиб Конор Макгрегор билан жанг ўтказишни истамаяпти.

"Жастин Гэтжи Тони Фергюсонни мағлуб этганидан кейин мен Хабибга шундай дедим: "Ростини айтаман: Гэтжидан кўра Макгрегор билан жанг ўтказсак, кўпроқ пул ишлаб оласан. Хабибнинг жавоби эса шундай бўлганди: "Ота-онам менга яхши тарбия беришган. Оилам ва спортдаги обрўйим менга пулдан устун".

Шундан келиб чиқиб айтишим мумкинки, Хабиб Жастинни мағлуб этганидан сўнг Конор билан жанг қилмаслик учун ҳам ярим енгил вазн тоифасига ўтади. Мен уни яна Макгрегор билан жанг қилишга мажбурлай олмайман. Унга қўшимча 20 ёки 30 миллион евро керак эмас. Шу сабабли ҳам Хабиб Конорга яна бир бор имконият беради деб ўйламайман", - дея Абдел-Азизнинг сўзларини келтирмоқда ESPN.