12 дек 09:57
Янгиликлар

Бокс/ММА, Футбол

Хабиб "Краснодар" — ЦСКА ўйинини трибунадан томоша қилди + ФОТОГАЛЕРЕЯ

Енгил вазн тоифасида собиқ UFC чемпиони Хабиб Нурмагомедов Россия Премьер-Лигаси 18-туридан ўрин олган марказий учрашув - "Краснодар" — ЦСКА (1:0) ўйинини бевосита аренада томоша қилди.

Нурмагомедов "ФК Краснодар" стадионидаги ташрифи акс этган суратларни ўзининг ижтимоий тармоқдаги саҳифаларига жойлади. У "Краснодар" президенти Сергей Галицкий, жамоа бош мураббийи Владимир Ивич билан суратга ҳам тушди.

Эътиборлиси, Хабиб ўйиндан бир кун олдин "Краснодар" академиясида ҳам бўлиб, клуб тарбияланувчиларини қизиқтирган саволларига жавоб берди.

Эслатиб ўтамиз, ЦСКА сафида терма жамоамиз ярим ҳимоячиси Аббосбек Файзуллаев ҳам муваффақиятли ўйнамоқда. У одатдагидек "Краснодар"га қарши кечган учрашувда ҳам майдонда тўлиқ ҳаракат қилди. Айни пайтда "Краснодар" 38 очко билан чемпионат пешқадами бўлиб турибди. "Зенит" 36 очко билан иккинчи ўринни банд этган бўлса, 32 очкога эга "Динамо" кучли учликка якун ясаган.