Хабиб Махачев ва Оливейра ўртасидаги эҳтимолий жанг ҳақида гапирди

"Отам айтганидек: "Хабиб фаолиятини тугагач, Исламнинг навбати келади". Агар улар Бразилияда жанг бўлишини хоҳласа шундай бўлади. Муаммо йўқ. Биз Бразилияга, Рио-де-Жанейрога, Сан-Паулуга борамиз. Жангдан икки ҳафта олдин у ерга борамиз, катта уй ижарага оламиз, катта жамоа билан тайёргарликни бошлаймиз.

Биз Чарльз Оливейрани Бразилия заминида, ўз уйида мағлуб қиламиз. Биз барча мухлисларга энг юқори назорат қандай бўлишини, одамларни қандай қилиб мағлуб қилишимизни ўргатиш ниятидамиз. Биз камар билан қайтамиз", — дея Хабибнинг сўзларини келтиради ММА Junkie.

Эслатиб ўтамиз, Махачев аралаш яккакурашларда 22 ғалаба ва 1 мағлубият қайд этган. Оливейра эса ММАда 33 ғалаба қозонган ва 8 мағлубият қайд этган.