Хабиб Махачевнинг кечаги ғалабасига муносабат билдирди

Ислам кеча оқшом Абу-Дабида ўтган UFC 294 турнирининг марказий жангида Александр Волкановскини биринчи раунднинг ўзида нокаутга учратиб, чемпионлик камарини муваффақиятли ҳимоя қилган эди. Хабиб кечаги жангда нима учун Исламнинг бурчагида бўлмаганига ҳам изоҳ берди. 

"Айни пайтда дунёнинг энг яхши жангчиси. Укам, сени яхши кўраман ва ажойиб ғалаба билан табриклайман. Сиз мендан нима учун Исламнинг бурчагида бўлмаганимни сўрашингиз мумкин. Бу саволга аввал ҳам жавоб берганман. Мен жангларга бормайман, кимгадир секундантлик қилмайман, ММА билан боғлиқ ҳаммасини октагонда қолдирганман. Қароримни жамоадошларим, ака-укаларим, мураббийларим сингари тўғри қабул қилишингизни сўрайман. Биз нимага эришган бўлсак, ушбу спорт тури тарихида қолди", - деди Нурмагомедов.