14 авг 10:56
Янгиликлар

Бокс/ММА

Хабиб Нурмагомедов бу сафар Ислам Махачевнинг бурчагида бўладими?

Енгил вазн тоифасида UFC собиқ чемпиони Хабиб Нурмагомедов Чарльз Оливейрага қарши реванш жангида амалдаги чемпион Ислам Махачевнинг бурчагида бўлмайди.

Бу ҳақда Хабиб ҳамда Исламнинг мураббийи Хавьер Мендес маълум қилди.

"Йўқ, Хабиб Махачевнинг бурчагида бўлмайди, у қарор қабул қилиб бўлди. Ҳатто ундан бу ҳақда сўрашганда ҳам жаҳли чиқади, чунки унинг фикрини ҳамма билади. Аммо бирор нарса ўзгарса, сиз буни унинг ўзидан эшитасиз", - деди Мендес.

Маълумот учун, жанг 21 октябрь куни Абу-Дабида ўтказилади.

Эслатиб ўтамиз, Махачев ва Оливейра илк бор 2022 йил октябрь ойида тўқнаш келган ва унда Ислам муддатидан аввал ғалаба қозониб, енгил вазн чемпионига айланган.