Хабиб Нурмагомедов жангдан сўнг таъсирли нутқ сўзлади

“Мени қўллаб турганларнинг барчасидан миннатдорман. Хавьер Мендесга алоҳида раҳмат айтаман. Уни жуда қаттиқ яхши кўраман. Бу фаолиятимдаги сўнгги жангим бўлдим. Онам отам вафотидан сўнг бошқа жанг қилмаслигимни илтимос қилди ва мен онамга берган ваъдамни бажараман. Мен UFC`дан битта нарсани сўраган бўлардим. Сешанба куни янгиланган UFC`нинг вазн тоифасидан қатъий назар рейтингида мени биринчи рақамли қилишингиз керак. 13-0. UFC'да енгилмас чемпион бўлдим. Вазндан қатъий назар энг кучли жангчи бўлишга ҳақли бўлдим деб ўйлайман. Менга шунча шароитлар яратиб бергани учун UFC раҳбариятига миннатдорчилик билдираман. Гэтжига ҳам раҳмат айтаман. 

У бир неча йиллар аввал менга вазн ташлашда катта ёрдам берган. Барчага раҳмат. Бу жанг отамнинг орзуси эди. Мен отамнинг истагини бажара олдим деб ўйлайман. 2008 йилда энди фаолиятимни бошлаганимда ҳамда 2012 йилда UFC билан шартнома тузганимда менга ҳеч ким ишонмаганди. Мен оддий қишлоқ боласи эдим. Доғистондан бу ергача келдим. Дастлаб бундай чемпион бўлиш умуман ҳаёлимда ҳам бўлмaганди, биз отам билан фақат олға интилдик. Қачонлардир бу даражага чиқишимни ҳеч қачон тасаввур ҳам қилмаганман. Ота-онангизни борлигида қадрига етинглар. Менда фақатгина онам қолди. Энди бор эътиборимни онамга қаратмоқчиман”, - деди Хабиб.