28 ноя 16:28
Янгиликлар

Бокс/ММА

Хабиб Нурмагомедов Конор Макгрегорга ўқилган ҳукмни қўллаб-қувватлади

Енгил вазнда собиқ UFC чемпиони Хабиб Нурмагомедов Ирландия судининг Конор иши бўйича чиқарган ҳукми адолатли эканини айтмоқда.

Доғистонлик аралаш яккакураш устаси "Жиноятчи Макгрегор" лойиҳаси асосчиларини тўлалигича қўллаб-қувватлашини билдириб, қолганларни ҳам ушбу акцияга чақирди.

"Йигитлар, ажойиб ғоя, мен сизларни тўлалигича қўллаб-қувватлайман", - дея ўзининг ижтимоий тармоқдаги саҳифасида хабар қолдирган Нурмагомедов.

Эслатиб ўтамиз, ўтган ҳафта Дублин шаҳрида ўтган судда Никита Хэнднинг 2018 йилги иш юзасидан шикояти кўриб чиқилиб, унга жинсий тажовуз қилган Конор Макгрегор 250 минг доллар миқдоридаги жаримага тортганди.