21 окт 18:42
Янгиликлар

Бокс/ММА

Хабиб Нурмагомедов матбуот анжуманида нималар деди?

Ҳозиргина Абу-Дабидаги "Жанглар ороли"да UFC чемпиони Хабиб Нурмагомедов ҳамда вақтичалик камар соҳиби Жастин Гэтжи иштирокида матбуот анжумани якунланди.

24 октябрь кунги жанг олдидан ташкил этилган тадбирда рақиблар илк бор юзма-юз келишди.

"Албатта, бу ерда Лас-Вегасга қараганда қийинроқ. Ҳамиша вазн ҳайдаш қийин кечган, боз устига сенга ташқаридан кучли босим бўлиб турганда бу янаям сезилади. Ҳозир шунақа мураккаб вазият: пандемия, мухлислар йўқ. Шу жиҳатдан озгина қийинроқ бўлади.

Кейинги рақиб? Тўғриси, бу ҳақида гапиришни истамайман. Ҳозир бор диққат эътиборни Гэтжига қаратиш керак. Кейин нима бўлишини ўйлаган пайт эмас. Бу савол Дэна Уайтга", — деди Нурмагомедов.