Хабиб Нурмагомедов мураббийлик фаолиятини қайта тиклади

Бу маълумотни Хабибнинг мураббийи Хавьер Мендес ҳам тасдиқлади. У айни пайтда "Америка кикбоксинг Академияси" бош мураббийи сифатида фаолиятини давом эттирмоқда. Мендес Хабиб Нурмагомедов нима учун бир неча ҳафтадан бери Сан-Хосе эканини ҳам изоҳлади. 

"Одамлар бир нарсаки билишлари керак, Хабиб ҳеч қачон мураббийликдан кетдим демаган. У шунчаки оиласи даврасида кўпроқ бўлиши учун машғулот лагерларига бормаслик ва шу билан бирга октагонда секундантлик қилмасликка қарор қилганди. Ишончим комил, у бир кун октагонга қайтади ва менинг ёнимда бўлади. Ўшанда мен машинанинг орқа ўриндиғида хотиржам ўтириб кетаман, чунки унинг бошқарувида Хабиб бўлади. Унинг бурчакда, менинг ёнимда бўлиши жангчиларга яхшигина мотивация беради", - деди Мендес. 

Ўз ўрнида Нурмагомедовнинг ўзи ҳам Сан-Хоседа узоқ вақт қолганини очиқлади. 

"Сан-Хосе бир неча ажойиб ҳафтани ўтказдим. Мен ҳануз машаққатли машғулотларни хуш кўраман. Бу менга энергия беради", - деди собиқ UFC чемпиони.