Хабиб Нурмагомедов Пол Хьюзни Доғистонга таклиф қилди

Бу ҳақда енгил вазн тоифасида амалдаги Bellator чемпиони Усман Нурмагомедовнинг мураббийи Хабиб Нурмагомедов айтиб ўтди.

"Пол Хьюз, жанг ва олинган тажриба учун сенга катта раҳмат айтмоқчиман. Фурсатдан фойдаланиб, сени Доғистонга, ўз оилам ва жамоамга таклиф қиламан. Исталган вақтинг келишинг мумкин. Менга ишон, сенинг ташрифинг биринчи галда ўзингга маъқул келади, қолаверса ўсиб келаётган ёш авлод учун ўрнак бўлади", - деди Хабиб. 

Эслатиб ўтамиз, Пол Хьюз Усман Нурмагомедовга қарши кечган беш раундлик жангда очколар ҳисобига кўра имкониятни бой бериб қўйган, аммо рақибига етарлича қаршилик кўрсата олганди. Ҳакамлардан бири дуранг натижани қайд этган бўлса, қолган икки нафари ғалабани Усманга берганди.