13 июн 11:54
Янгиликлар

Бокс/ММА

Хабиб Нурмагомедов: Реванш? Конор ҳаваскор боксчи ва актёрлар билан жанг қилаверсин!

Енгил вазнда UFC чемпиони Хабиб Нурмагомедов кеча Лондонда ўтган матбуот анжуманида Конор Макгрегор ҳақида берилган саволга ҳам жавоб берди.

Доғистонлик жаҳон чемпионининг айтишича, ирландиялик спортчи реванш жангига лойиқ эмас экан.

“Сўнгги уч йилни оладиган бўлсак, унинг ҳисобида фақат ҳаваскор боксдаги ғалаба бор, холос. Энди айтинг, у менга қарши реванш жангига муносибми? Ёдингиздами, Конор жангда менга таслим бўлди ва ўлдирмасликни сўради.

Ҳозир эса мендан реванш сўраяпти. Кейинги навбат Тони Фергюсонники. У кетма-кет эришган ғалабалари билан менга қарши жанг ўтказишга ҳақли эканини амалда исботлади. Конор эса ҳаваскор боксчилар, актёрлар билан бокс тушиб юраверсин”, - деди Хабиб UFC 242 турнирига бағишланган матбуот анжуманида.