04 фев 08:02
Янгиликлар

Бокс/ММА

Хабиб Нурмагомедов: Россияда жанг? Фақат кўчада уришишим мумкин

Россиялик UFC чемпиони Хабиб Нурмагомедов ватанида жанг ўтказиши ҳақида берилган саволга жавоб берди.

Нурмагомедов (28-0, 8 КО) ўз интервьюсида Россия ҳудудида профессионал жангини ўтказиш истагида эмаслигини очиқлади.

"Россияда жанг ўтказиш имкониятларим деярли нолга тенг. Фақат кўчада жанг қилишим мумкин. Навбатдаги жангим 18 апрель куни Америкада ўтказилади. У ерда катта пул тўланади. Фаолиятимнинг қолган қисмидаги жангларим ҳам океан ортида ўтказилса керак. У ерда гонорардан ташқари ташкилотчилик ҳам юқори даражада бўлади", - деди Нурмагомедов.

Аввалроқ Хабибнинг менежери Али Абдул-Азиз Саудия Арабистони шайхларидан бири Нурмагомедовнинг Флойд Мейвезер (50-0, 27 КО) ва Конор Макгрегор (22-4, 19 КО)га қарши ўтказиладиган жангларига ақлбовар қилмайдиган даражада гонорар тўлашга тайёр эканлигини айтган эди.