Хабиб Нурмагомедов Тошкентда жанг қилишга қарши эмас

Ушбу анжуманда UFC чемпиони Хабиб Нурмагомедов ҳам иштирок этди. У тадбирда Тошкентда жанг ўтказишга қарши эмаслигини айтиб ўтди. 

Ўз жангларингиздан бирини "Ҳумо Арена"да ўтказган бўлармидингиз?

-"Ҳумо Арена" UFC турнирини ўтказиш учун мос келади. Масалан, бир неча кун олдин Москвада 11 минг киши сиғадиган "ЦСКА Арена"да турнир ташкил этилди. "Ҳумо" эса жаҳон савиясидаги арена ва унга 12 минг одам сиғади. У ерда бемалол йирик мусобақаларни ўтказса бўлади. Агар UFC жангни шу ерда ташкил этса, мен албатта шу ерда жанг қилишга қарши эмасман. Агар келажакда Ўзбекистон ММА федерацияси бу борада UFC билан келиша олса, мен жон-жон деб бу ерда жанг қилган бўлардим. Доғистонда бундай савиядаги арена йўқ. Шунинг учун, "Ҳумо"да жанг қилишга қарши эмасман. Бу ерга доғистонлик кўплаб ҳамюртларим ҳам келишлари мумкин бўларди", - деди Хабиб.