25 янв 16:47
Янгиликлар

Бокс/ММА

Хабиб Нурмагомедов: "Унинг ёши салкам 38 да эканини унутманг"

Енгил вазнда собиқ UFC чемпиони Хабиб Нурмагомедов америкалик Жастин Гэтжининг UFC 324 турнирида Пэдди Пимблеттга қарши жангига муносабат билдирди.

"Жастин Гэтжи - мутлақ афсона, табриклайман. Қандай жанг! Унутмангки, Жастин деярли 38 ёшда", - деб ёзди Хабиб Нурмагомедов ижтимоий тармоқдаги саҳифасида.

Гэтжи жангнинг катта қисмида Пимблетт устидан устунлик қилди, бир неча бор жангни муддатидан олдин якунлаш имкониятига эга бўлди ва рақибига жиддий зарар етказди. Жанг тўлиқ беш раунд давом этди ва якунда Жастин Гэтжи ҳакамларнинг якдил қарори билан ғалаба қозонди (48-47, 49-46, 49-46).

Эндиликда Гэтжида 27 ғалаба ва 5 та мағлубият бор. Пимблетт эса UFC’даги илк мағлубиятини қабул қилиб олди.