04 июн 08:04
Янгиликлар

Бокс/ММА

Хабиб Порьега икки раундни берган ҳакамни кескин танқид қилди

Енгил вазн тоифасида собиқ UFC чемпиони Хабиб Нурмагомедов Ислам Махачевга қарши жангда икки раундни Дастин Порьега берган ҳакамга мурожаат қилди.

Шон-шараф Зали аъзоси ҳисобланган Нурмагомедов яна бир афсона Даниэль Кормье билан суҳбатда ҳакам Крис Лининг ёндашувига тўхталди. Бу ҳакам Ислам Махачевга қарши кечган жангда Дастин Порьега иккинчи ва тўртинчи раундларда ғалаба тақдим этганди.

"Нима? Менга унинг исм шарифини айтиб, локацияни беринглар!" – дея жаҳл билан вазиятга муносабат билдирган Нурмагомедов.

Эслатиб ўтамиз, Ислам Махачев UFC 302 турнирининг марказий жангида Дастин Порьени бешинчи раундда бўғиш усули билан мағлубиятга учратган эди. Бу унинг учинчи чемпионлик ҳимоя жанги бўлганди.