Хабиб Тони Фергюсон ва Коди Гарбрэндт билан шартнома имзоламоқчи

У UFC жангчилари Тони Фергюсон ва Коди Гарбрэндт билан ҳозирги промоушенлари келишувни бекор қилса, шартнома имзолаши мумкинми деган саволга жавоб қайтарди. 

"Ҳамма нарса бўлиши мумкин - биз бутун дунё учун очиқмиз. Ҳозир биз Кевин Ли билан музокара ўтказяпмиз. Катта эҳтимол у билан яқин кунларда шартнома имзолаймиз. Шу боис нима учун йўқ? Тони ҳам, Коди ҳам собиқ UFC чемпионлари ҳисобланади", - деди Хабиб Нурмагомедов.

Эслатиб ўтамиз, якшанба тонгида Коди Гарбрэндт енгил вазн тоифасида муваффақиятсиз дебют қилди ва биринчи раунддаёқ Кай Кара-Франсга техник нокаут билан ютқазиб қўйди. Америкалик сўнгги беш йилда UFC`да бор йўғи битта ғалабага эришди - у Рафаэль Ассунсаони нокаутга учратди.

Тони Фергюсон ҳам UFC лигасида омадсиз одимламоқда. У кетма-кет учта жангда мағлубиятга учради. Жастин Гэтжига техник нокаут, Чарльз Оливейра ва Бенеил Дариушга очколар ҳисобига кўра ютқазди.