Хабиб Умар Нурмагомедовга мурожаат қилди

Умар 3 август куни БАА пойтахти Абу-Даби шаҳрида ташкил этиладиган UFC on ABC 7 турнирининг марказий жангида америкалик Кори Сэндхагенга қарши октагонга кўтарилади. 

"Жангга бир ой вақт қолди. Кенжамиз, мақсад, манзил яқин", — дея ўзининг ижтимоий тармоқдаги саҳифасида Умарга мурожаат ёзиб қолдирган Хабиб Нурмагомедов. 

Эслатиб ўтамиз, Умар Нурмагомедов шу йил март ойида ўтказилган UFC Fight Night 238 турнирида қозоғистонлик лига дебютанти Бекзат Алмаханни очколар ҳисобига кўра мағлубиятга учратган эди. Сэндхаген эса 2023 йилнинг август ойида ўтказилган UFC on ESPN 50 турнирида ҳамюрти Роб Фонтдан устун келганди.