11 сен 09:30
Янгиликлар

Бокс/ММА

Хабиб ва Конор ўртасидаги жанг олдидан бир неча матбуот анжумани ўтказилади

UFC президенти Дана Уайт Хабиб Нурмагомедов ва Конор МакГрегорлар ўртасидаги жанг олдидан жаҳон тури бўлмаслигини, аммо бир неча матбуот анжумани ўтказилишини айтиб ўтди.

"Биз бир неча матбуот анжумани ташкил қиламиз. Яқин орада бу ҳақида эълон қилинади. Жаҳон бўйлаб тур бўлмайди. Буни қилишимиз керак эди, аммо вақт тиғиз.

Конор ва Хабиб фаолияти давомидаги энг муҳим жанг арафасида турибди. Улар яхши тайёргарлик кўришлари керак. Жангга бир ойдан кам вақт қолди. Аммо унгача журналист ва мухлислар учун бир неча ажойиб тадбирларимиз бор", - деди Уайт.