Хабибнинг энг ишонган шогирди Сингапурда октагонга чиқди

Оқшом доирасида россиялик аралаш яккакураш устаси Сайгид Изагахмаев япониялик тажрибали Шинья Аокига қарши жанг ўтказди. Сайгид Хабиб Нурмагомедов мақтаган жангчи бўлиб, унинг бурчагида енгил вазнда янги UFC чемпиони Ислам Махачев ишлади. 

Усман Нурмагомедовнинг Bellator чемпионлигини қўлга киритганидан бир сутка ҳам ўтмай, Хабиб Нурмагомедов жамоасининг яна бир аъзоси ёрқин ғалабага эришди. Сайгид Изагахмаев биринчи раунднинг ўзида рақибини техник нокаутга учратди. Рефери 1 дақиқаю 26-сонияда жангни тўхтатишга мажбур бўлди. 

Ушбу тезкор ғалаба унга кафолатланган гонорардан ташқари қўшимча 50 минг долларлик бонусни ҳам тақдим этди. 28 ёшди Сайгид Изагахмаев жанг якунланганидан сўнг кейинги рақиби сифатида амалдаги ONE промоушени чемпиони Кристиан Лини кўриш истагида эканини маълум қилди.