"Халқаро Армия ўйинлари-2020". Ўзбекистонлик ҳарбийларнинг муваффақияти, Москва, Жиззах ва Қўқондан суратлар (ФОТО)

Ушбу мусобақада 30 дан ортиқ мамлакат қаторида ўзбекистонлик ҳарбийлар ҳам ўз маҳоратларини намойиш этишмоқда. 

Ўйинларга бешта мамлакат: Россия, Арманистон, Озарбайжон, Беларусь ва шу жумладан Ўзбекистон мезбонлик қилмоқда. 

Википедиядаги маълумотларга таянадиган бўлсак, ўйинларнинг асосий қисми Россияда ўтказилмоқда. 

Икки йўналиш - Тиббий ҳодимлар мусобақаси (Жиззах) ва Ҳарбий автомобиллар инспекцияси инспекторлари мусобақасига (Қўқон) Ўзбекистон мезбонлик қилмоқда. 

Ҳозирча якунига етган баҳслар ичида - Автотехник ва танкотехник таъминот мутахассислари ўртасидаги мусобақада вакилларимиз Россия ва Хитойдан сўнг учинчи ўринни эгаллашди.

Қолган йўналишлардаги мусобақаларда турли босқичлар давом этмоқда. Ўзбекистонда ўтказилаётган мусобақалар, шунингдек кинологлар ўртасидаги баҳсларда ҳозирча юртдошларимиз етакчилик қилишмоқда.

Эътиборингизга мусобақалардан олинган суратларни тақдим этамиз. 

Суратлар GettyImages, Ўзбекистон Мудофаа вазирлиги ҳамда Россия Мудофаа вазирлиги сайтларидан олинди.