Халқаро бокс шон-шуҳрат музейига қабул қилинадиган чарм қўлқоп усталари маълум

Бу уч боксчи экспертлар гуруҳи томонидан овоз бериш йўли билан аниқланди. Даъвогарлар орасида тўртта вазн тоифасида собиқ жаҳон чемпиони Мигель Котто ва уч вазнда собиқ чемпион Жеймс Тони ҳам бор эди. Улар етарлича овоз тўплай олишмади. 

Маълумот учун, Владимир Кличко узоқ йиллар давомида супероғир вазн тоифаси қироли бўлган. 2017 йилда Энтони Жошуага ютқазганидан сўнг профессионал боксдаги фаолиятига якун ясаганди. Владимирнинг акаси Виталий Кличко ҳам Шон-шуҳрат залига қабул қилинган. 

Андре Уорд иккита вазнда собиқ жаҳон чемпиогни ҳисобланади. Фаолиятини енгилмас боксчи сифатида тугатган. Сўнгги жангида россиялик Сергей Ковалёвдан устун келган. Мейвезер эса фаолияти мобайнида 5 та вазн тоифасида жаҳон чемпионлик камарларини қўлга киритган. Сўнгги жангини 2015 йилда Андре Бертога қарши ўтказган. 2017 йилда Флойд бокс қоидалари асосида ташкил этилган шоу мақомидаги жангда икки вазнда собиқ UFC чемпиони Конор Макгрегорни мағлуб этган эди.