Халқаро камондан отиш федерацияси мусобақаларни сентябргача тўхтатди

Ҳозирда халқаро турнирлар қачондан бошланиши кўпчилик учун қизиқарли бўлиб турибди.

Халқаро камондан отиш федерацияси Ижроия қўмитаси барча йўналишдаги халқаро мусобақаларни сентябрь ойигача ўтказмаслик ҳақида қарор қабул қилди. Мусобақалар эса март ойидан тўхтатилган эди. Таъкидлаш жоиз, ушбу спорт тури бўйича терма жамоамиз июнь ойида Берлин (Германия) шаҳрида ўтадиган жамоавий йўналишда Токио Олимпиадасига йўлланма берувчи лицензион мусобақага ҳозирлик кўраётган эди.

Яна бир эътиборли жиҳати, агар мамлакатдаги вазият ижобий бўлса, халқаро ташкилот июль ойидан бошлаб ўтказиладиган ички чемпионатларни тан олишини ҳам таъкидлаб ўтган.