Халқаро от спорти федерациси раҳбари Тошкентда

Мартабали меҳмонга ташрифи давомида Россия от спорти федерацияси раҳбари Марина Сечина ҳамроҳлик қилмоқда. 

Ингмар де Вос пойтахтимиздаги от спортига ихтисослашган қатор объектларини кўздан кечирди. Айниқса, “Universal Jumping Agro” от спорти клубида ўтаётган ёшлар ўртасидаги халқаро мусобақа совриндорларини унинг ўзи тақдирлагани ёшлар учун чинакам мотивация бўлди.

 Халқаро ташкилот раҳбари юртимизда от спортини ривожлантиришга яратиб берилган шароитларга юқори баҳо берди. Шунингдек, жаноб де Вос соҳани янада ривожлантириш, отлар парвариши ва уларнинг ноёб зотини юртимизда кўпайтириш бўйича ўз маслаҳатларини ҳам билдириб ўтди. 

Айни пайтда юртимизда 15 та от спорти клубида 100 га яқин профессионал чавандозлар шуғулланиб келмоқда. Пойтахтимиздаги Ипподром базасида ўтган суҳбат давомида Қорабайир зотли отларни кўпайтириш, уларни халқаро мусобақаларга тайёлаш мавзусига алоҳида эътибор қаратилди.